Wiehnacht is nich wiet - www.liekedeler.com
.

Wiehnacht is nich wiet

Nach oben

 

Wiehnacht is nich wiet

 

Aufgenommen bei imHouse-music

in Itzehoe im Februar und März 2008

Aufnahmen: Richard Rossbach  
Produktion: Klaus Kastendieck & Liekedeler 
Covergestaltung: Klaus Kastendieck
Mastering:h.a.m. Hamburg

 

 

 

Titel

 

  1. Wiehnacht is nich wiet  
  2. Wiehnachten bi uns  
  3. Winterdroom  
  4. Winter in Norden   
  5. De schönste Johrestiet  
  6. En Licht in uns Hann
  7. Juuldanz   
  8. Uns' Wiehnachtsgoos   
  9. Wenn en Stern vun Heben fallt  
  10. Wiehnachtswunnerland  
  11. Is dat noch wiet na Bethlehem    
  12. Hillig Nacht  
  13. Dat Johr geiht vörbi   
  14. Wiehnachtsrock  

Wiehnacht is nich wiet

Text: Johanna Kastendieck / Musik: Gert Drögemüller


Witt vun Snee sünd all de Wischen
Sünnstrahlen blenkern hell dortwischen
Ünner’t Ies roh‘n Beek un Seen
So en Winterdag is schöön.
Kiek mal, wo de Flocken drieven,
weiht as Schleier vör uns Schieven
Kumm, wi danzen mit jem mit,
Wiehnacht is nich wiet.

Wiehnacht, Wiehnacht, is nich mehr wiet
Klingt dat froh in disse Tiet
Wiehnacht, Wiehnacht is nich wiet
Wiehnacht, Wiehnacht, is nich mehr wiet
Klingt dat froh in disse Tiet
denn Wiehnacht is nich wiet.

Üm Klock veer warrt dat al duster,
Kinner sitten still un lustern,
denn se hör’n en hell Gebimmel,
Christkind kümmt mit Schled’n un Schimmel.
Dör de Luft dor geiht en Klingen
Kinner höört man Leeder singen.
Uns lütte Stadt liggt as in’n Droom,
de Lichter brenn’n an’n Boom.

Wiehnachten bi uns

Text & Musik: Jörn P. Schröder

Kumm doch rin un fier mit uns Wiehnacht,
Kumm doch rin un drink mit uns een Punsch
Is dat Wedder wedder open
Un dat is liekers noch dien Wunsch.
Kannst du denn ja jümmers noch na Hus.

Güstern hett noch nich na Winter utsehn
Weer noch allens natt un gries un grau
In de Nacht dor hett sik dat batz ännert
Un dorum seggt wi di nu gau

Bi fief Grad sünd wi güstern avend to Bett gahn
Schnuddelwedder as wi dat hier kennt.
Heemlich lies un sacht hett de Winter över Nacht
Allens witt mokt, so sünd wi dat wennt.

Winterdroom

Text & Musik: Jörn P. Schröder


Nu fallt de Snee so sachen
Un liesen op de Eer
He kümmt mit grote Flocken
wedder vun Norden her.

Nordischer Wind ritt de Bläder vun'n Boom
Allens wat uns blifft, is en Winterdroom
Nordischer Wind ritt de Bläder vun'n Boom
Allens wat uns blifft, is en Winterdroom

Heel witt sünd Bööm un Dieken
Kolt un starr dat Land
De Winter meld’t sik wedder
An de Waterkant.

Dat Glitzern lött di drömen
Um di is Sternenpracht
Doch is se so vergänglich
De Winternacht

Vadder is de Winter - Is so kolt
Mudder is de Snee - Oh, so kolt
Deckt all’ns mit witte Flocken - weer dat schön
Un seggt den Harvst “ade“. - Lang nich seh’n.

Winter in Norden

Text & Musik: Jörn P. Schröder


Ho - Ro - Ho – Ro wedder mol sowiet
Hol de Näs' in Wind un heff een goode Tiet
Ho - Ro - Ho – Ro wedder Wind vun vörn
Un weiht dat wedder mol vun Noord
Kannst Du den Storm al hör’n

Hier an de Waterkant gifft' för jedeen wat
Meist dor regent dat, wi warrn schiete-natt
Hier an de Waterkant gifft' för jedeen Watt
Meist dor regent dat doch wat schert uns dat.

Winter an de Waterkant gifft' nich jedeen Johr
Dat is uns al kloor.
Een Droom de warrt nich wohr
Winter an de Waterkant gifft' nich jedeen Johr
Dat is uns al kloor, doch plötzlich is he dor.

Ho - Ro - Ho - Ro, Wedder mol sowiet
Hol de Näs' in Wind un heff een goode Tiet
Ho - Ro - Ho – Ro, Snee de fallt so sacht
Und kümmt de Wind mol werr vun Oost
Bringt he de witte Pracht.

Buten regeern wedder Iis, Frost un Snee
Dor giff‘t Katastrophenalarm
Ik kann dat gor nich begriepen– oh nee
Denn uns‘ Stuv‘ is so mollig un warm.

Refrain

De schönste Johrestiet

Text: Johanna Kastendieck / Musik: J.S. Bach / Bearb. Liekedeler

 

Bald is’t so wiet, nu kümmt se weer, de schönste Johrestiet.
De Welt is vull vun Lichterglanz, dat funkelt wiet un siet.
De Daag sünd düster, hell de Nacht, de Tiet en Aventüer.
Maak op dien Hart, maak op dien Döör, denn Wiehnacht steiht dorför.
Maak op dien Hart, maak op dien Döör, denn Wiehnacht steiht dorför

Du höllst den Slötel in dien Hand, för’t Wiehnachtswunnerland.
Sluut op dien Hart, laat Freid herin, schuuv Sorgen an de Kant.
So männicheen kann’t nich avtöven, bald ist dat so wiet,
denn Wiehnacht is för vele Lüüd de schönste Johrestiet.
Denn Wiehnacht is för vele Lüüd de schönste Johrestiet.


Bald is’t so wiet, nu kümmt se weer, de schönste Johrestiet.
De Welt is vull vun Lichterglanz, dat funkelt wiet un siet.
So männicheen kann’t nich aftöven, bald is dat so wiet,
denn Wiehnacht is för vele Lüüd de schönste Johrestiet,
denn Wiehnacht is för vele Lüüd de schönste Johrestiet,
Denn Wiehnacht is för vele Lüüd de schönste Johrestiet.

En Licht in uns Hann

Text & Musik: Jörn P. Schröder

 

En Licht in uns’ Hann
Dat kümmt dann un wann
Kümmt sachen un lies
Un maakt uns denn wies
Dat Wiehnachten warrt
In Seel, Lief un Hart.

En Licht in uns’ Hann
Verdreegt wi uns dann
Wenn eenmal in’t Johr
Wiehnacht is dor
Oder bruukt wi Krakeel
För Hart, Lief un Seel.

En Licht in uns’ Hann
Nich jeder hier kann
Sik op Wiehnacht högen
As wi dat wull mögen
So manch een is stief
Sien Hart, Seel un Lief.
So manch een is stief
Sien Hart, Seel un Lief.

Juuldanz

Musik: Gert Drögemüller

Instrumental

Uns Wiehnachtsgoos

Text: Gert Drögemüller, Johanna Kastendieck / Musik: Gert Drögemüller

 

Dor weer eenmal een Goos,
de leev so heel famos,
mit anner Göös bi uns op’n Hoff
to’n Freten harrn se genoog,
se dacht’n so’n Leven duert lang,
dor harrn se gor keen Bang,
dor harrn se gor keen Bang.

Uns‘ Goos Franz weer noch jung,
knackfrisch un ungebunn‘n
se weer’n to teihnt in’n Gööstrupp
he harr dat Leit in ehre Grupp‘
un dach so’n Leven duert lang,
dor harr he gor keen Bang,
dor harr he gor keen Bang.

Doch eenes Dags, kiek an,
dor reep de Navers Hahn,
Franz pass op, sünst is ut dien Droom,
se bruukt en Braden ünnern Wiehnachtsboom
un dat schasst du woll ween,
pass op, op diene Been,
pass op, op diene Been.

'n Dag later is’t sowiet,
is höchste Wiehnachtstiet,
bi uns to Huus is dat so Bruuk,
wi slaat mit Göösbrad’n uns vull den Buuk,
ik dach‘, mien leeve Franz,
dat weer dien letzte Danz,
dat weer dien letzte Danz.

Wenn een Steern vun Heven fallt

Text: Johanna Kastendieck / Musik: Gert Drögemüller


För Kinner weer de Winter dat reinste Paradies
Vun morgens bet avends buten spelen,
de Welt vull Snee un Ies.
Wi rodeln un sünd Striedschoh lopen
op uns tofroren See.
sünd ümfall’n, opstahn, wiederlopen,
dähn uns gor nich weh.

Wenn nu een Steern vun’n Heven fallt,
denn warrt mien Droom noch wohr.
Ik wünsch mi Snee to Wiehnachten,
dat weer so wunnerbor
Ik denk torüch, - mien Kinnertiet,
wat weern de Winter schöön.
Dor harrn wi Snee to Wiehnachten,
dat kunn nich beter ween.

Bald nu geiht dat Johr to Enn mit regendüster Daag,
de Heven gries un grau verhangen,
keeneen warrt richtig waak.
Keen Wiehnachtsstimmung will opkomen
op regennatte Straten.
Ik kiek na’n diesig Heven rop
un wünsch mi denn vun Harten:

Wenn nu een Steern vun’n Heven fallt,
denn warrt mien Droom noch wohr.
Ik wünsch mi Snee to Wiehnachten,
dat weer so wunnerbor
Ik denk torüch, mien Kinnertiet,
wat weern de Winter schöön.
Dor harrn wi Snee to Wiehnachten,
dat kunn nich beter ween.

Wiehnachtswunnerland

Text: Johanna Kastendieck / Musik: Jörn P. Schröder


Kumm her, ik nehm di mit,
Heel sachen Schritt üm Schritt
Gahn wi in’t Wiehnachtsmärkenland
Un büst du bang, nehm miene Hand.
Höör doch, de Glocken klingen hell,
Ok de Wiehnachtsmann is al to Stell,

In’t Wiehnachtsland, Wunnerland.
Wiehnachtsland, Wunnerland
Wiehnachtsland, Wunnerland
Wiehnachts – Wunnerland

Märkenland, Wiehnachtsland
Vun fröher noch bekannt.
Uns Nääs, de snuppert Wiehnachtsduft,
Bratappelrüük liggt in de Luft
So geheemnisvull un schöön,
kann dat blots an Wiehnacht ween.

Refrain: In’t Wiehnachtsland, Wunnerland.

Wiehnachtsland, Wunnerland,
wunnerbaret, feernet Land.
Dusend Biller, un Gesichter,
sööte Rüük un bunte Lichter,
Drööm un Märken, Poesie,
Land vun Wünsche, Fantasie

In’t Wiehnachtsland, Wunnerland.

Is dat noch wiet bet Bethlehem

Text: Johanna Kastendieck / Musik: Jörn P. Schröder

 

Is dat noch wiet na Bethlehem?
Nee, nee, heel dicht.
Kann ik den Weg in Düüstern sehn?
De Steern gifft di dat Licht.

Weet ji wokeen dor boren is?
In de Krüff dat Kind.
Is’t wohr, dat he een König is?
Dat weet alleen de Wind.

Höört ji all de Lüüd dor singen?
Gloria!
Bet to’n Heven schall dat klingen.
Hallelujah!

Gloria!
Hallelujah!
Gloria!
Hallelujah!

Hillig Nacht

Text: Johanna Kastendieck / Musik: Jörn P. Schröder

 

De hillig Nacht stickt de Lüchten an
Un de Düsternis blifft buten
Dat is de Tiet för Warmte un Freden
Un dat Licht strahlt dörch de Ruten

An de Finster wasst ganz sinnig dat Ies,
De heele Nacht sitt ick un kiek.
Ick heff Angst ok ‘n beten to versüm’n
Un hör schöne Wiehnachtsmusik

Hillig, hillig, hillig Nacht
Sterns an’n Heben wat en Pracht
Lichter an den Dannenboom
Lichter seh ick noch in’n Droom

In de Julnacht kümmt dat Licht vun baven
Un de Steerns se speelen an’n Heben
Dat is so schön, denn Wiehnacht is dor,
Laat uns de Hann’n nu geven.

Dat Johr geiht vörbi

Text und Musik: Gert Drögemüller

 

Dat Johr geiht vörbi
un ik denk bi mi,
de Maanden vergahn, de Daag de verlopen.
So veel is passeert,
männich Truer op de Eer.
Wat wi Minschen beleevt, weet de Heben alleen.

Dor is Krieg, hier gifft dat Freden
nieg Geschichten schrifft dat Leven
Jedeen Land, jedeen Stadt, jedeen Minsch kann dat sehn
Manncheen hungert un is krank,
Keeneen reckt em de Hand,
Maak dat anners, wees fründlich, un du büst nich alleen.

Wiehnacht gifft för uns Minschen
Nieges Hopen un veel Wünschen,
doch wi mööt sülvst uns regen, anners blievt wi bald stahn.
bloots Geschenke empfangen,
kann för uns nich mehr langen,
Jedeen hett siene Plicht, schall för de Tokunft wat doon.

Nu is´t weer so wiet,
kummt de schönste Johrestiet,
överall op de Welt dröömt de Minschen vun Freden,
Jedeen Land hett sien Bruuk,
Fiert Wiehnacht as wie ok,
Doch besünners is de Stimmung, wiel dat Leven anners is.

Disset Johr geiht vörbi,
Ik denk wedder bi mi,
jümmer fix löppt de Tiet, un du kannst se nich faten,
Noch so veel warrt passeern,
nich blots Sünnschien op uns Eer`,
noch so lang is de Weg bet de Welt Freden hett.

Nimm di Tiet twüschen de Johren,
kannst anner Lüüd wat verkloren,
hest du allens daan, wat rechtens wull weer?
Jedeen Dag bringt nieg Verkloren,
bringt di nieg Openbaren
un maakt di dat kloor, schallst dat Leven respekteern.

Wiehnachtsrock

Text: Johanna Kastendieck, Jörn P. Schröder / Musik: Gert Drögemüller

 

Fru Holle will hüüt to’n Danzen gahn,
dor dröppt se in de Disco den Wiehnachtsmann.
Fru Holle steiht total op Rock,
ok dorop hett de Wiehnachtsmann Bock.

Se danzt den Wiehnachtsrock
Se danzt den Wiehnachtsrock
Se danzt den Wiehnachtsrock
Un kiekt nich op de Klock.

De Teenies, de al Bescherung harrn,
de kamen nu ok in de Disco an.
Se seh’n Fru Holle un den Wiehnachtsmann,
un nu, nu fangt de Party an.

Den Wiehnachtsmann in de Disco sehn,
dat find’t sogor de DJ schöön.
Dor schütt em dat miteens in’n Kopp
Un hett leggt glieks den Elvis op.

Un twars den Wiehnachtsrock,
ja, ja, den Wiehnachtsrock
se danzt den Wiehnachtsrock
un dorop harr sülvst Elvis Bock.

A bab bab belooba a bab bam boo
Fru Holle schwingt ehr’n Rock dorto.
Na Middernacht kiekt nüms to Klock,
denn se danzt all den Wiehnachtsrock.

Se danzt den Wiehnachtsrock,
tosamen den Wiehnachtsrock
Se danzt den Wiehnachtsrock,
Un kiekt nich op de Klock.

Wi speelt den Wiehnachtsrock
Wi speelt den Wiehnachtsrock
Wi speelt den Wiehnachtsrock
Denn dorop harrn wi Bock.



Autor: root -- 20.03.2014; 17:55:46 Uhr

Dieser Artikel wurde bereits 5664 mal angesehen.



.