Een Licht in uns‘ Hann‘n - www.liekedeler.com
.

Een Licht in uns‘ Hann‘n

Nach oben

 

Een Licht in uns‘ Hann‘n

 

 

Aufgenommen von Februar bis Mai 1997

im White-Noise Tonstudio, Hamburg

Produktion Klaus Kastendieck;

Co-Produktion Joszi Sorokowski

Assistent : Sebastian Barbato

 

 

 

 

Titel

  1. Stille Wiehnachtstiet
  2. Winterspazeergang
  3. Lichterfloot
  4. Töben op den Winter
  5. Kumm danz mit mi
  6. Advent  
  7. Winterwind  
  8. Wiehnachtsgeschenke-Söker-Blues  
  9. Wiehnacht överall  
  10. Wiehnachten in de Welt  
  11. Wiehnachtsmann
  12. Een lütte Stern
  13. Winterabend
  14. Op spitze Töhn
  15. Slaapleed to Wiehnacht
  16. Sledenfohrt

Stille Wiehnachtstiet

T. & M.: Jörn P. Schröder

Schlicht de Winter sick dör't Land
Ward he meist nich glieks erkannt
Doch de Dage de warrn kötter
Un de Hektik de ward grötter
Un de Kinner - sünd ut Rand und Band.

Refrain instr.

Und so geiht dat ok de Olen
Keene Tiet sick to verholen
All dat Koken, all dat Backen
De Geschenke to verpacken
Un de Stimmung wiehnachtlich to holln.

Stille Wiehnachtstiet, stille Wiehnachtstiet
Nu is dat werr so wiet
Stille Wiehnachtstiet, stille Wiehnachtstiet
Nu is dat werr so wiet.

Hebbt wi ok nix öberseh'n
Is de Dannboom rund und gröön
Und in all dat Kuddel - Muddel
Ok för Opa noch 'n Buddel
Hilligobend - oh wat büst du schön.

Refrain
... nu is dat werr so wiet.

Winterspazeergang

T. & M.: Petra Findeklee

Maak mal een Spazeergang in disse Winterwunnerwelt,
Maak mal een Spazeergang und süh, wat di gefällt.

Oh, wo dat funkelt un glimmert un glitzert un schimmert
As een Diamant
Sitt dor de Rohriep denn - op jed' een Plant.

Steck de Näs na buten, treck die warme Plünnen an,
ok de Fööt na buten un süh de Welt di an.

Oh, wo dat funkelt un glimmert un glitzert un schimmert
as vun Geisterhand
bedeckt denn över Nacht de Snee dat Land.

Maak mal een Spazeergang, nimm di goode Frünn'n mit,
maak mal een Spazeergang und süh de Welt so witt.

Oh, wo dat funkelt un glimmert un glitzert un schimmert
du sühst allerhand
op dien Spazeergang in't Winterwunnerland.

Lichterfloot

T. & M.: Bert C. Biehl

Een liesen Schummer liggt öwer dat Land,
Vun dor, wo ick nu stah, is nich een Huus to sehn
De Wind, de luurig weiht, nimmt mi bi de Hand
Un ritt de Wulken op, de Sterns de schient op mi-
So blied bün ick al lang nich ween.

Denn so een Lichterfloot, de deiht mien Ogen good
Makt mi dat Hart so warm
Kumm mit mi vör de Döör, lat allens stahn dorför
Frei di mit mi un nimm mi in dien Arm.

Wiet in de Fern treckt een Gleem sick hentlang
Een güllen Kuppel över Stadt un Land ümbi
Winter verdrifft den Harvst mit Johrmarktsgesang
Bunten Lanternenschien un Karkenglockenklang
So as in't Johr keen anner Tiet.

Un düsse Lichterfloot, de deiht mien Ogen good
Makt mi dat Hart so warm
Kumm mit mi vör de Döör, lat allens stahn dorför
Frei di mit mi un nimm mi in dien Arm.

De Wind, he will mi sinnig vörwarts drieven;
Dor lacht de Kinner, freiht sick Lüüd.
Teindusend Talliglichter in de Schieben -
Nu is de Sünnwend nich mehr wiet.

Un düsse Lichterfloot, de deiht mien Ogen good
Makt mi dat Hart so warm
Kumm mit mi vör de Döör, lat allens stahn dorför
Frei di mit mi un nimm mi in dien Arm.
Frei di mit mi un nimm mi in - dien - Arm.

Töben op den Winter

T. & M.: Petra Findeklee

De Harvst geiht toend, de Bööm sünd all kahl,
de Dagen warr'n körter un körter.
De Farven sünd gahn, dat Licht is ganz fahl,
een Wunsch in mi ward immer grötter:
Denn denk ik mi:

Winter, Winter, mal mien Finsterschieven an,
Winter, Winter, mal dor Blomen an.
Winter, Winter, bring ok dicke Flocken mit,
Winter, Winter, mak de Hüüser witt.

De Dagen sünd gries, dat Land liggt so natt,
de Nebel hangt swoor op de Wischen,
doch dann kloort dat op, de Welt liggt so witt,
de Sünn schickt ehr Strahlen dortwüschen.
Denn is he dor:

Winter, Winter, mal mien Finsterschieven an,
Winter, Winter, mal dor Blomen an.
Winter, Winter, bring ok dicke Flocken mit,
Winter, Winter, mak de Hüüser witt.

Winter, Winter, mak de Fennen witt,
Winter, Winter, mak de Straten witt,
Winter, Winter, mak de Wicheln witt,
Winter, Winter, mak de Dieken witt,
Winter, Winter, mak de Dörpen witt.
Mak uns allens witt

Kumm danz mit mi

T. & M.: Bert C. Biehl

Kiek mol na'n Heben, wat sick dor deiht
Lang is't al her, dat de Wind so hett weiht
Dat rükt na Snee, verlot di op mi
Wenn he hüüt abend fallt, segg ick to di:
Treck gode Stebeln an,
Giff mi dien warme Hann.

Kumm danz mit mi in den Winter hüüt nacht
Wi mokt as Kinner een Schneeklutenschlacht
Lang mit dien Tung na de Flocken de falln
Dat warrn wi lang in Erinnerung beholln.

So as de Flocken fallt Johr um Johr
Wies ward dien Weten un witt ward dien Hoor.
Büst du mit hunnert noch jümmers bi mi,
Ok beten tattrig, ick segg doch to di:
Kumm smitt dien Krückstock weg,
Wenn wi fallt, hebbt wi Pech.

Een Winterdroom, den wi lang hebbt vermißt
Is doch een Grund, dat du mi dorto küßt ?
La la la la la la,

Advent

T. & M.: Jörn P. Schröder

Een lüttet Talliglicht, schient hell un klor

Wiehnachten, Wiehnachten, Wiehnachtstiet
Bald is dat wedder so wiet.
Wiehnachten, Wiehnachten, Wiehnachtstiet
Bald is dat wedder so wiet.

Brennt dat tweete Licht nu sacht, kehrt de Ruh’ werr in
Nicklausdag is al vörbi, könt wi uns besinn’n ?

Wiehnachten, Wiehnachten, Wiehnachtstiet
Bald is dat wedder so wiet.

Dat drüdde Licht mokt uns nu wies, Wiehnacht is nich wiet
Överall is Wiehnachtsduft, vergeten is de Striet.
Wiehnachten, Wiehnachten, Wiehnachtstiet
Bald is dat wedder so wiet

Veer lütte Lüchten schienen hell un klor
Still un starr dat Land nu liggt, Wiehnachtsabend is dor
Wiehnachten, Wiehnachten, Wiehnachtstiet
Nu is dat wedder so wiet

Nu is dat wedder so wiet.

Winterwind

T.: J. Kastendieck / M.: Jörn.P. Schröder

Horch doch, horch, wat buten los is,
Stormwind weiht üm unser Huus.
Horch doch, horch, hörst em nich ropen,
Singt sien Leed mit veel Gebruus.

Harvst treckt weer över uns Land,
Hollt uns fast mit ruge Hand.
Harvst treckt weer över uns Land,
Hollt uns fast mit siene ruge Hand.

Kiek mal, kiek, kiek dörch dien Finster,
Witte Flocken ohne Tall,
Kiek doch, kiek, kiek wo se danzen,
Wirbeln rüm un op und daal.

Winter treckt nu weer in't Land,
Hollt uns fast mit ieskole Hand.
Winter treckt nu weer in't Land,
Hollt uns fast mit siene kole Hand.

Loop doch, loop, loop fix na buten,
Dreih di mit den Winterwind.
Loop doch, loop un laat di drieven,
Danz un freih di as een Kind.

Winter treckt nu weer in't Land,
Hollt uns fast mit ieskole Hand.
Winter treckt nu weer in't Land,
Hollt uns fast - mit siene kole Hand.

De Wiehnachtsgeschenke - Söker - Blues

T. & M.: Bert C. Biehl

Ick weet nich, wat ick di to Wiehnacht schenken schall,
Heff nich een liese Idee
Un jümmers, wenn mien Blick op mien Kalenner fallt,
Denn deiht mi dat in'n Magen weh.

Ick weet nich wat ick di to Wiehnacht köpen schull
Blots eens, wat ick weet: Ick heff Frust!
Un dat Wiehnacht so gau werr kam'n wull,
Dat heff ick nich wusst:
Ick glööv, ick heff den Wiehnachtsgeschenke - Söker - Blues.

Johr üm Johr heff ick dat mitmakt, verdammte Sökeri
Nu is ok dit Johr al weer üm un ick weet nix för di.
De een Saak is to düer un de anner hest du al.
Vun't Denken kreeg ick keen Idee, blots den Hoorutfall ---


De Pries för Gold un Sülver, de is mi to argerlich.
Du büst mi twor recht düer, aber so nu ok werr nich!
'N Warmflasch brukst du ok nich, denn ick lat di nich alleen,
Un wat schaßt mit noch 'n Book, denn du hest ja al een.

Ick weet nich wat ick di to Wiehnacht schenken schall
Heff nich een liese Idee.
Blots jümmers Diamanten oder Edelmetall
Villicht mol wat ut PeVauCe ?

Ick weet nich wat ick di to Wiehnacht köpen schull
Blots eens, wat ick weet: Ick heff Frust!
Un dat Wiehnacht so gau werr kam'n wull,
Dat heff ick nich wußt:
Ick glööv, ick heff den Wiehnachtsgeschenke - Söker - Blues.
Wat ick mi to Wiehnacht sülben wünsch,
Dat ward ja nümmers wohr:
Lat nich jedeenmol Wiehnacht sien -
Villicht so all fief Johr ?
Doch wat Knecht Ruprecht dorto meent,
Dat weet ick man allto good:
He sä: "Du büst wull mall, mien Jung!"
Un sleit mi mit sien Rood.

Un so schliek ick dörch de Ladens un ick kiek mi üm dorbi,
Scheneer mi vör de annern Lüüd, doch de markt nix vun mi
Minsch de seihn ok all so ut, as hebbt se nix to schenken wußt.
Ick glööv, de hebbt ok all den Wiehnachtsgeschenke - Söker - Blues.

Wiehnacht överall

T. & M.: Jörn P. Schröder

Wenn dat buten kold un schummri ward to Nacht
Ward bi uns tohuus Koken backt un lacht
Plätten un Stollen mit Sukade binn'
Mandeln un Kaneel,
Denn ward dat Wiehnacht (Wiehnacht överall / Wiehnacht överall)

De Kinner in de School fangt to basteln an,
Strohstern un Krüff mit allens drum un dran
Ok dat musiziern steiht nu wedder an
"Oh Dannenboom" un "Stille Nacht"
Nu ward dat Wiehnacht (Wiehnacht överall / Wiehnacht överall)

Op 'n Dörp in de Stadt
Överall dor deiht sick wat
Ob in't Huus, ob in'n Stall
- Wiehnacht överall

De Pützen op de Straaten ladt to'n glitschen in
Dat is nu de Tiet, sick fierlich to besinn'n
Ok de Matrosen, de op See rut sünd
Hebb'n ehr'n Dannboom mit,
Denn ward dat Wiehnacht (Wiehnacht överall / Wiehnacht överall)

Op 'n Dörp in de Stadt
Överall dor deiht sick wat
Ob in't Huus, ob in'n Stall
- Wiehnacht överall

Wiehnachten in de Welt

T.: J. Kastendieck / M.: Bert C. Biehl

Wenn't in Holland Wiehnacht is, kummt mit hell Gebimmel
Sinterklaas un swatte Piet, rieden op een Schimmel.
Schweden hett sien Lichterdeern, driggt lange witte Kleeder,
Lucia singt all in de Fröh morgens schöne Leeder.

Wo de Wiehnachtsmann ok heet,
All de Göörn weet'n Bescheed.
Joulupukki, Babuschka, Sinterklaas un Befana,
Bannig veel giff't to bedenken
Wüllt se jedeen ok wat schenken
Denn keen schleppt blots all de Schiet
Vadder, Mudder, de Verwandten,
Opa, Oma, Onkels, Tanten
Los mokt mit.

In Finnland schrifft de Kinnder all an den Joulupukki,
So heet dor de Wiehnachtsmann, is de Nam' nich putzi'
Dörch de Emanzipatschon is't in Italien anners,
Een Fru is dor de Wiehnachtsmann, dat is wat Besünners.


In England kümmt de Santa Claus to den Schosteen rünner.
An'n Wiehnachtsmorgen gifft Geschenke denn för all Kinner.
Bi uns dor freun' de Kinner sik op den Wiehnachtsmann.
In de Geschäften fangt de Freud all in'n September an!

Wiehnachtsmann

T.: J. Kastendieck / M.: O. Wittenburg

Wiehnachtsmann, kiek mi nich so an
Wiel ick mien Gedicht nich mehr kann
Wiehnachtsmann, dat deiht mi ja leed,
Dat ick nix mehr weet

Tja, mien lütte Deern, du hesst doch aber wüsst,
Dat hüüt abend Wiehnacht is
Hesst de Tiet bestimmt wedder mol verspeel
Un di nich mit lernen qua¨t

Un von lernen hol' ick nu mal nix
Artig weer ick sünst dat ganze Johr
Frag mal Muddder, dat is wohr

Wat mok ick blots, wat mok ick blots
Dat is ja sünnerbor
Sowat keem noch nümmers vör,
In all de veelen Johrn
Artig ween un doch nich leern
Wat sünd dat blots för Göörn
Wiehnachtsmann, hör mi nochmol an
Du mit dienen ollerweltschen Kram
Gedichte lernen, dat is nich mehr in,
Dormit mußt du di nu affinn'n

Een lütte Stern

T.: J.Kastendieck / M.:Bert C. Biehl

Een lütte Stern, de schient so hell
för alle Lüüd op disse Welt.

Schient hell in alle Harten rin,
wiest uns den Weg na Wiehnachten hin.

Is noch so lütt, doch schient all so warm
bringt so veel Leevde för riek un för arm.

He gifft de Minschen Kraft un Moot,
helpt so mennigeen in sien Not.

Dat Licht un Hopen kümmt vun baben,
lücht ok för di an Wiehnachtenabend.

Hell strahlt sien Licht över Stadt un Land;
he höllt de ganze Welt in sien Hand.

Winterabend

T. & M.: Jörn P.Schröder

Sitten vör'n Kamin
Buten is dat kold
De Küll hett an de Finsterschieben Iesblomen molt.
Dat Johr is bald to End,
Winterliche Pracht
Sorgt dorför, dat unsre Harten lacht.

Denn is dat Winterabend
Lat den Wind ruhig weih'n
Winterabend - mienetweg'n ok schnei'n
Denn is dat Winterabend
Hier bi uns in Nord'n
- Hier föhl ick mi goot.

Schneeballschlacht un rodeln
Is jümmers eene Freud
Ok wenn düsse Spaß veel to gau vergeiht.
Kinner buut den Schneemann
Danzen um em rum
Un bi'n Schlittschoh lopen fallt se ok mal um.

Kinner op de Wisch
Lopen över't Iis
Wat dat heet to freren mokt de Winter uns nu wies.
Kluntjes in de Tee
knistern, lös'n sick op
Un de hitte Teepunsch stiggt uns in de Kopp.

Denn ward dat Winterabend
Lat den Wind ruhig weih'n
Winterabend - mienetweg'n ok schnei'n
Denn ward dat Winterabend
Hier bi uns in Nord'n
- Hier föhl ick mi goot. Hier föhl ick mi goot

Op spitze Töhn

T. & M.: Bert C. Biehl

An'n Hilligmorgen dröfft wi nümmers in de beste Stuv,
denn dor holt Vadder de Geschenken rut ut Schapp un Schuv.
Uns Moder is an'n Boom togang un will nich, dat wi kiekt,
wo se in Brass is un dat Ding mit Wiehnachtssmuck bestückt.
Doch gifft dat dor een lütten Trick,
blots di verrad ick dat,
riskeer doch mal een lütten Blick,
du sühst di wiß nich satt.

Op spitze Töhn vör't Slötellock
dor kiekst du dörch un weetst genog.
Du sühst de Disch vull Pack un Plünn,
denn rad mol scheun, wat dor is binn'n.
För mi fangt Vörfreud richtig an,
wenn ick wat utbaldowern kann.

De geele Sack dor in de Eck, de is bestimmt för mi,
dat buult sick as een Wüppelpeerd mit Toomtüüg al dorbi.
Un wieder an de Siet dor steiht so'n drulligen Karton,
dor binn'n, dor kann blots een Saak sien: een holten Iesenbahn.

Na scheun, ick lat di ok mol ran,
denn warst du ok wat wies,
man suutje, fat de Klink nich an
un wees blots sacht un lies.

Op spitze Töhn vör't Slötellock
dor kiekst du dörch un weetst genog.
Nu ward dat duster, so een Pech -
Minsch Vadder, nimm dien'n Mors dor wech.
Nu geiht dat werr, man pass blots op,
wenn de wat markt, gifft't wat an'n Kopp!

De Hilligabend kummt un Mudder bimmelt - nu geiht ran.
De Wittbart in de root' Kledaasch - Vadder speelt Wiehnachtsmann.
Doch wat is dat, de Stuuv süht mit eens vüllig anners ut
as wi dat utbaldowert hebbt - un ick wunner mi Lüüd:
De geele Sack is Oma blots, de sitt still in de Eck.
De Karton, dat is de Glotzkommod" - un Mudder lacht sick weg.

Op spitze Töhn vör't Slötellock
Wenn ji dörchkiekt, dat markt wi noch.
Wi hebbt so'n beten ümgruppeert
De Stuuv ok anners utstaffeert.
För mi fangt Wiehnacht richtig an,
wenn ick de Spannung hollen kann!
Na, bi't tokamen Fest, segg ick denn:
Dor kiek ick beter tweemol hen.

Slaapleed to Wiehnacht

T.: J. Kastendieck / M.: O.Wittenburg

Slaap mien lütt Kind nu in un drööm
De Maand schient all dörch de Bööm.
De Döör is to,
Verslaten dat Huus,
Mööd sünd ok Hund un Katt un Muus,
Se slapen as du.

Buten op't Feld in düsse Nacht
Holl'n Harders för die de Wacht
Bi Schaap un Koh
Hell schient em de Stern
Wiest em den Weg to di vun fern
De Welt liggt in Roh..

De Maand schient al dörch de Bööm,
Slaap mien lütt Kind nu un drööm.

Sledenfohrt

T.: Bert C.Biehl / M.: trad.

Sledenfohrt, Sledenfohrt, Sledenfohrt in'n Snee.

Wat 'n Spoß, nu geiht' los över de Chaussee

Sledenfohrt, Sledenfohrt, dor will jedeen mit
Wat is dat för een Pläseer in de kole Wintertiet.

Treck an di warme Tüüch
Een letzte Blick torüch
Denn geiht dat op uns Fohrt
Över't Land von Ort to Ort
Dor juchen unse Göörn
De Hoofslag vun de Peer
Dat Bimmeln von de lütte Klock
Is wiethen al to hörn.

Sledenfohrt, Sledenfohrt, Sledenfohrt in Snee
Wat 'n Spoß, nu geiht' los över de Chaussee

Sledenfohrt, Sledenfohrt Sledenfohrt is scheun
In de witte Wunnerwelt dor gifft't so veel to sehn.

Vun baben schient de Sünn
So fohrt wi Stünn um Stünn
De Lüüd de winkt uns to:
Unse Fohrt de makt jem froh
Dat gifft't nich jedeen Johr,
De Tieden sünd vörbi
Dorüm is so een Sledenfohrt
Ok een beten Nostalgie.

Sledenfohrt, Sledenfohrt, Sledenfohrt in'n Snee
Wat 'n Spoß, nu geiht' los över de Chaussee

Sledenfohrt, Sledenfohrt dor will jedeen mit
Wat is dat för een Pläseer in de kole Wintertiet.
Wat is dat för een Pläseer ----- Sledenfohrt in'n Snee




Autor: root -- 27.02.2014; 11:08:25 Uhr

Dieser Artikel wurde bereits 4882 mal angesehen.



.